Վրաստանի նախագահ Սալոմե Զուրաբիշվիլին հանդես է գալիս նախաձեռնությամբ՝ Հաղթանակի զբոսայգում ստեղծել մեկ հուշարձան, որտեղ բոլորը կկարողանան հարգանքի տուրք մատուցել Վրաստանի անկախության համար պայքարի զոհերին:

Ինչպես նշել է Սալոմե Զուրաբիշվիլին, արդեն նամակ է ուղարկվել Վրաստանի կառավարությանը, Թբիլիսիի քաղաքապետարանին և այն նախարարներին, ովքեր պատասխանատու են այս հարցի համար:

«Իմ նախաձեռնությունն է 100 տարի անց ստեղծել մեկ հուշարձան, որպեսզի բոլոր նրանց, ովքեր տարբեր ձևերով պայքարում էին Վրաստանի անկախության համար, տեղ հատկացվի: Դա կլինի մի վայր, որտեղ բոլորը կկարողանան նրանց հիշատակը հարգել, որտեղ մենք կկարողանանք մատաղ սերունդներին սովորեցնել այս 100 տարվա պայքարի պատմությունը:

Այն, ինչ տեղի էր ունենում այսօր Ապրիլի 9-ի հուշահամալիրում, և այն, ինչ տեղի է ունենում ամեն տարի, ցավոք, միանգամայն անընդունելի է: Սա այն ձևը չէ, որով պետք է հարգենք հիշատակը, ուստի պետք է գտնենք դրա համար ավելի համապատասխան տեղ և ձև», – ասաց Սալոմե Զուրաբիշվիլին: