Կարծում եմ, որ արտահերթ նստաշրջանի գումարումը արդարացված է, ընդմիջումն արդարացված չէ,- այս մասին Օրբելիանի պալատում կայացած ճեպազրույցում հայտարարել է Վրաստանի նախագահ Սալոմե Զուրաբիշվիլին։

Նրա խոսքով՝ ինքն արդեն ստորագրել է արտահերթ նիստ գումարելու մասին հրամանագիրը։

«Ես ուզում էի բոլորին տեղյակ պահել, որ ես ստորագրել եմ ​​հրամանագիրը, որը նշանակում է նիստ գումարել։ Ես ուզում եմ, որ հանրությունը հասկանա, թե ինչու եմ ստորագրել: Նախ ուզում եմ, որ պարզ լինի, որ ես չեմ ստորագրում բուլինգի կամ ճնշման արդյունքում։ Կարծում եմ՝ սա արդեն բոլորը շատ լավ գիտեն։ Ես ստորագրել եմ, քանի որ կարծում եմ, որ այսօր երկրի առջեւ ծառացած ամենամեծ մարտահրավերը 12 հանձնարարականներն են, որոնք մենք ստացել ենք Եվրահանձնաժողովից։ Մենք պետք է դա անենք վեց կամ յոթ ամսում, բայց սա մեր ամենամեծ մարտահրավերն է այսօր:

Կոչ եմ անում բոլորին՝ ընդդիմությանն ու իշխանությանը, մեծամասնությանը, լիարժեք մասնակցել ամեն ինչին։ Մենք պետք է բոլոր ջանքերը գործադրենք օրենքները ժամանակին ընդունելու և բոլոր հարցերը, առաջին հերթին՝ ապաբևեռացման հարցը լուծելու համար՝ միասին լինելով, երկխոսությամբ և խորհրդարանում լինելով։ Սա է այս երկրի միակ հեռանկարը։ Եվրոպական հեռանկարը, որը մենք որդեգրել ենք, և ոչ ոք իրավունք չունի մեզ շեղել այս ճանապարհից»,- ասել է Սալոմե Զուրաբիշվիլին։