Սալոմե Զուրաբիշվիլին 10-րդ գումարման խորհրդարանին ամենամյա զեկույցը ներկայացնելու է գարնանային նստաշրջանին

12:32, 01.02.2021

Վրաստանի նախագահ Սալոմե Զուրաբիշվիլին 10-րդ գումարման խորհրդարանին ամենամյա զեկույցը ներկայացնելու է գարնանային նստաշրջանին:

Կանոնակարգի համաձայն, գարնանային նստաշրջանի առաջին լիագումար նիստի օրը, խորհրդարանը սովորաբար լսում է երկրի կարևորագույն հարցերի վերաբերյալ նախագահի տարեկան զեկույցը:

Օրենսդիր մարմինը նախագահի ելույթի ամսաթիվը համաձայնեցնելու է նախագահի աշխատակազմի հետ: Անցյալ տարի Սալոմե Զուրաբիշվիլին պատգամավորներին տարեկան զեկույցը ներկայացրել էր մարտի 4-ին:

Ինչ վերաբերում է նախագահի լսումների ձևաչափին, ապա կանոնակարգի համաձայն, խմբակցության նախագահները ելույթ կունենան նախագահի ելույթի ավարտից հետո: Խմբակցության նախագահի ելույթի տևողությունը չպետք է գերազանցի տասը րոպեն: Ելույթներից հետո նախագահը իրավասու է հանդես գալ եզրափակիչ ելույթով:

Հեղինակ - edgar barsegyan

Քաղաքական

Նախագահի զեկույցը

Սալոմե Զուրաբիշվիլի