Այսօր հեռախոսազրույց է տեղի ունեցել Վրաստանի նախագահ Սալոմե Զուրաբիշվիլիի և Ուկրաինայի նախագահ Վլադիմիր Զելենսկու միջև:

Տեղեկատվությունը տարածում է նախագահի աշխատակազմի մամուլի ծառայությունը:

Նրանց խոսքով, Վրաստանի նախագահը «մտահոգություն է հայտնել ռուս-ուկրաինական սահմանին և Ղրիմում տիրող իրավիճակի կապակցությամբ և համերաշխություն հայտնել Ուկրաինային»:

«Սալոմե Զուրաբիշվիլին շեշտեց Ուկրաինայի կողմից սադրանքներին դիմակայելու անհրաժեշտությունը և նշեց, որ անհրաժեշտ է շարժվել մեր ընդհանուր անվտանգության միակ ուղղությամբ, դա եվրաատլանտյան ինտեգրումն է:

Երկու երկրների նախագահները շեշտեցին Սև ծովի անվտանգության կարևորությունը և ՆԱՏՕ-ԵՄ գագաթնաժողովում Վրաստանի և Ուկրաինայի համատեղ նպատակները ներկայացնելու անհրաժեշտությունը:

Կողմերը պայմանավորվել են օգտագործել Վրաստանի նախագահի առաջիկա այցը Ուկրաինա՝ այդ հարցերի շուրջ աշխատելու համար», – ասված է հայտարարության մեջ: