Ժողովրդի աչքում ես լեգիտիմ եմ, ես ներկայացնում եմ նրանց կամքը՝ շարունակելու անկախության ձեռքբերման ճանապարհը, որը արևմտամետ է,- ասել է Վրաստանի նախկին նախագահ Սալոմե Զուրաբիշվիլին ԱՄՆ Ազգային հանրային ռադիոյին (NPR) տված հարցազրույցում։

Ինչպես նշում է Զուրաբիշվիլին, նա ներկայացնում է վրաց ժողովրդին և միևնույն ժամանակ փորձում է միավորել ընդդիմադիր սպեկտրը։

«Ժողովրդի աչքում ես լեգիտիմ եմ, բայց ես այստեղ եմ երկու շատ կարևոր պատճառով։ Առաջինն այն է, որ ես ներկայացնում եմ ժողովրդին և նրանց կամքը՝ շարունակելու անկախության ձեռքբերման ճանապարհը, որը հստակ արևմտամետ է։ Ես ներկայացնում եմ վրաց ժողովրդի մեկ այլ շատ ուժեղ կամքը, որը ենթադրում է նրանց ընդդիմության միավորում։ Իմ նպատակն է փորձել փոխել սա ամեն օր։ Կարծում եմ, որ մենք որոշակի առաջընթացի ենք հասել, և սա հստակ ժողովրդի կամքն է», – ասել է Զուրաբիշվիլին։

NPR-ին տված հարցազրույցում Զուրաբիշվիլին ընդգծել է Վրաստանի ռազմավարական կարևորությունը և նշել, որ Ռուսաստանը լավ գիտի դա, այդ պատճառով էլ անընդհատ փորձել է զավթել Վրաստանը։

«Վրաստանը այն վայրն է, որտեղ և՛ Միացյալ Նահանգները, և՛ Եվրամիությունը հսկայական ներդրումներ են կատարել անկախ պետություն կառուցելու գործում։ Ավելին, եթե նման ներգրավվածություն եղել է, դա պայմանավորված է եղել այս տարածաշրջանում ռազմավարական շահագրգռվածությամբ, որը կապում է Արևմուտքը, Եվրոպան և Կենտրոնական Ասիան՝ երկու ծովերը։ Ռուսները շատ լավ գիտեն սա և դարեր շարունակ գիտեն, որ ով էլ որ պահում է Վրաստանը, պահում է նաև Կովկասը», – ասել է Զուրաբիշվիլին։