Վրաստանի նախագահ Սալոմե Զուրաբիշվիլին դատապարտում է Բելառուսի նախագահ Ալեքսանդր Լուկաշենկոյի այցը օկուպացված Աբխազիա։ Այս մասին սոցիալական ցանցում գրում է Սալոմե Զուրաբիշվիլին։

«Ես խստորեն դատապարտում եմ Ալեքսանդր Լուկաշենկոյի այցը օկուպացված Աբխազիա։ Սա Վրաստանի օկուպացված տարածքների մասին օրենքի, մեր երկկողմ հարաբերությունների և միջազգային իրավունքի սկզբունքների անընդունելի խախտում է»,- գրել է Սալոմե Զուրաբիշվիլին։

Ինչպես հայտնի է, Բելառուսի նախագահ Ալեքսանդր Լուկաշենկոն այսօր ժամանել է օկուպացված Աբխազիա, որտեղ հանդիպել է օկուպացված Աբխազիայի դե ֆակտո նախագահ Ասլան Բժանիայի հետ։

Այսօր Վրաստանի արտաքին գործերի նախարարությունը բելառուսական կողմից լրացուցիչ պարզաբանումներ է պահանջել Ալեքսանդր Լուկաշենկոյի՝ օկուպացված Աբխազիա ժամանելու կապակցությամբ, իսկ ի նշան բողոքի՝ Վրաստանում Բելառուսի դեսպան Անատոլի Լիսին կանչել են ԱԳ նախարարություն։