Սալոմե Զուրաբիշվիլի. Ես դատապարտում եմ ռուսների կողմից Վրաստանի հողերի հերթական զավթումը և սողացող անեքսիայի քաղաքականությունը, կոչ եմ անում միջազգային հանրությանը խիստ և հրատապ արձագանքել
Խստորեն դատապարտում եմ ռուսների կողմից Վրաստանի հողերի հերթական զավթումը և սողացող անեքսիայի քաղաքականությունը,- այս մասին «Twitter»-ի իր էջում գրում է Վրաստանի նախագահ Սալոմե Զուրաբիշվիլին։
Սալոմե Զուրաբիշվիլին կոչ է անում միջազգային հանրությանը՝ արձագանքել:
«Ժողովրդի բուռն արձագանքը, որը մենք տեսնում ենք Բիճվինթայի ամառանոցը փոխանցելու շուրջ, ուղղակի օկուպացիայի արդյունք է։ Կոչ եմ անում միջազգային հանրությանը ուժեղ և հրատապ արձագանքել»,- գրում է Սալոմե Զուրաբիշվիլին։
Ռուսաստանի կողմից օկուպացված Աբխազիայի «խորհրդարանը» հավանություն է տվել Բիճվինթայի ամառանոցը Ռուսաստանին փոխանցելու համաձայնագրին։ Օկուպացված Աբխազիայի որոշմանն աջակցել են «խորհրդարանի» 25 անդամներ։ Օկուպացված Աբխազիայի «ընդդիմությունը» և բնակչության մի մասը բողոքում են այս որոշման դեմ և պահանջում այն չեղարկել։ Այս պահանջով, «խորհրդարանի» շենքի մոտ ողջ գիշեր բողոքի ակցիա է անցկացվել։