«Ես բարեկամ երկրների ներկայացուցիչներին բացատրեցի, որ չեմ գնա կեղծ, արհեստական, խաբեբայական բանակցությունների՝ դրական վետոյով, ոչ և երբեք»,- ասել է Վրաստանի նախագահ Սալոմե Զուրաբիշվիլին Լատվիայի , Լիտվայի, Էստոնիայի և Իսլանդիա յի արտգործնախարարների հետ համատեղ ճեպազրույցում։

Սալոմե Զուրաբիշվիլին շնորհակալություն է հայտնել չորս երկրների ներկայացուցիչներին Վրաստան կատարած այցի համար։

«Ցանկանում եմ առանձնահատուկ շնորհակալություն հայտնել Լիտվայի նախագահ Գիտանաս Նաուսեդային, ով նախաձեռնեց սկանդինավյան չորս երկրների, մեր չորս բարեկամների՝ Լիտվայի, Լատվիայի, Էստոնիայի և Իսլանդիայի արտաքին գործերի նախարարների այցն այսօր Վրաստան։ Նրանց ժամանումը ամենակարեւոր ազդանշանն ու աջակցությունն է Վրաստանի եվրոպական ապագայի համար, ինչի համար ես շնորհակալ եմ։ Ես շնորհակալ եմ բոլոր այն մարդկանց անունից, ովքեր այսքան օրեր դրսում կանգնած էին։ Մենք խոսեցինք այն մասին, թե որքանով է լուրջ այն կետը, որը երեկվա որոշման մեջ դրվել է 84 հոգու կողմից:

Նաև խոսեցինք այն մասին, թե որոնք են այժմ հետագա քայլերը։ Ես բարեկամ երկրների ներկայացուցիչներին հստակ բացատրեցի, որ ոչ մի դեպքում չեմ մտնի ինչ-որ շինծու, արհեստական, նենգ բանակցությունների մեջ՝ վետոյի իրավունքով։ Ոչ և երբեք, քանի որ ես չեմ դավաճանի այն ոգուն, որն այսօր կա երկրում և որը պետք է ճանապարհ հարթի։ Ես կլինեմ այս ճանապարհը բացողը, ոչ թե այս ճանապարհից անցում կատարելու ձև: Մեր ընկերների այս ուղերձը կհասցվի այնտեղ, որտեղ անհրաժեշտ լինի, որպեսզի ոչ ոք չմտածի, որ Վրաստանի նախագահին կարելի է օգտագործել իշխանության ինչ-որ դեմքը փրկելու համար։ Այսօր այս հարցը հարց չէ, Վրաստանի փրկության խնդիրն է»,- ասել է Սալոմե Զուրաբիշվիլին։

Խորհրդարանը երեկ՝ մայիսի 15-ին, երրորդ ընթերցմամբ ընդունեց «Օտարերկրյա ազդեցության թափանցիկության մասին» օրենքի նախագիծը։ Վրաստանի նախագահ Սալոմե Զուրաբիշվիլին մայիսի 12-ին հայտարարել է, որ ինքը վետո կդնի օրենքի նախագծի վրա: