Վրաստանի նախագահ Սալոմե Զուրաբիշվիլին դատապարտում է Քաբուլում տեղի ունեցած ահաբեկչությունը: Այդ մասին նախագահը գրել է «Twitter» սոցիալական ցանցում:

«Ես խստորեն դատապարտում եմ Քաբուլում տեղի ունեցած հարձակումը: Ես աղոթում եմ զոհված աֆղան խաղաղ բնակիչների և ամերիկացի զինվորականների համար: Տարհանումը պետք է շարունակվի խաղաղ ճանապարհով: Վրաստանը կշարունակի աջակցել նրանց, ովքեր տարհանում են իրականացնում և համերաշխություն է հայտնում բռնության դեմ», – գրել է Սալոմե Զուրաբիշվիլին:

Հիշեցնենք, որ Քաբուլի օդանավակայանի մոտակայքում տեղի ունեցած պայթյունների հետեւանքով զոհվել էր 90 մարդ: Զոհվել է 12 ամերիկացի զինծառայող, եւս 158-ը վիրավորվել են: Պատասխանատվությունը ստանձնել է «Իսլամական պետությունը»:

I strongly condemn the #Kabul terrorist attack. My prayers go to the Afghan civilian and US military victims.

The evacuation has to proceed peacefully. ?? will continue to take its share in support of those handling the evacuation and expresses #solidarity in front of violence.

— Salome Zourabichvili (@Zourabichvili_S) August 27, 2021