Վրաստանի նախագահ Սալոմե Զուրաբիշվիլին Գերմանիայի Դաշնային Հանրապետության արտաքին գործերի նախարար Անալենա Բերբոկի հետ քննարկել է Վրաստանի եվրաինտեգրման գործընթացին վերաբերող հարցեր։

Ինչպես Օրբելիանիների պալատում կայացած հանդիպմանը հայտարարել է Վրաստանի նախագահը, Վրաստանի բնակչությունը չի հասկանա ԵՄ թեկնածուի կարգավիճակի վերաբերյալ երկրորդ մերժումը և նման բարդ իրավիճակում իրեն Եվրոպայից լքված կհամարի։

Նախագահն ընդգծել է Վրաստանի գործընկեր երկրի արտաքին գործերի նախարարի այցի կարևորությունը՝ որպես Վրաստանի անկախությանն ու եվրաինտեգրմանը Գերմանիայի շարունակական աջակցության արտահայտություն։

«ԱՄՆ իմ վերջին այցի ժամանակ ես հեռախոսազրույց ունեցա Գերմանիայի նախագահի հետ, ով ինձ հաստատեց Վրաստանի հաստատակամ աջակցությունը, և ձեր գտնվելն այստեղ դրա հստակ հաստատումն է»,- դիմել է Վրաստանի նախագահը Գերմանիայի արտաքին գործերի նախարարին:

Մյուս կողմից, ինչպես նշեց Անալենա Բերբոկը, նա այստեղ է, քանի որ ցանկանում է Վրաստանն ու նրա բնակչությանը տեսնել Եվրամիությունում։

Տեղեկությունը տարածում է Վրաստանի նախագահի վարչակազմը։