Սալոմե Զուրաբիշվիլի. Վրաց ժողովուրդը ցույց տվեց, որ իր ընտրությունը խաղաղությունն է, կայունությունը և ոչ թե անկարգությունները, բռնությունը, բևեռացումը
Չնայած բարդ քաղաքական և բևեռացված նախընտրական միջավայրին, կարելի է ասել, որ Վրաստանում տեղական ինքնակառավարման մարմինների ընտրություններն անցել են հանգիստ, արդար, անվտանգ և մրցունակ միջավայրում՝ առանց էական խախտումների,- ասել է Վրաստանի նախագահ Սալոմե Զուրաբիշվիլին իր տեսաուղերձում:
«Սա այսօր ավելի մեծ նշանակություն է ստանում մեր երկրի համար, քանի որ մեր գործընկերների և ընկերների ուշադրությունը ուղղված է մեզ: Կայացած ընտրությունները շատ բան են որոշում և որոշում վաղվա օրվա համար: Հետեւաբար, շատ կարեւոր էր, եւ ես ուզում եմ դրա համար շնորհակալություն հայտնել բոլոր քաղաքացիներին:
Կարևոր էր ընտրողների ակտիվությունը: Միջազգային դիտորդների գնահատականներն այսօր նույնպես շատ կարևոր են, և կարելի է ասել, որ այսօր ժողովրդավարության և կայունացմանն ուղղված հերթական քայլն է: Շատ ուժեր պայքարեցին դրա դեմ, բայց մենք դա կարողացանք:
Վրաց ժողովուրդը երեկվա ընտրություններին մասնակցությամբ ցույց տվեց, որ իր ընտրությունը խաղաղությունն է, կայունությունը և ոչ թե անկարգությունները, ոչ թե առճակատումը, ոչ բռնությունը և բևեռացումը: Եթե փոփոխությունների կարիք կա, ապա դրա համար այս ուղին` ընտրությունների ճանապարհը: Քվեարկողները դա հասկացրել են բոլորին:
Այս ընտրությունները նշանավորվեցին նաև փոքր կուսակցությունների մեծ մասնակցությամբ, ինչը նույնպես շատ կարևոր է քաղաքական միջավայրի բազմազանության համար: Ուշագրավ է անվտանգ ընտրական գործընթացը: Չնայած համաճարակին, անցկացվեցին անվտանգ ընտրություննե: Ես նաև ցանկանում եմ ընտրական վարչակազմին շնորհակալություն հայտնել դրա համար:
Այս ընտրություններն ապացույցն են այն բանի, որ Վրաստանի քաղաքացիները ցանկանում են շարունակել երկրի քաղաքական կյանքը և կառավարումը հանգիստ, գործին միտված միջավայրում: Այնուամենայնիվ, ես երեք հիմնական դիտողություն կունենամ.
Ցավալի է մի բան, սա նշվեց նաև միջազգային դիտորդների կողմից. Այս ՏԻՄ ընտրությունների հիմնական թեման տեղական ինքնակառավարման խնդիրները չէին, հույս ունեմ, որ երկրորդ փուլի համար այս հարցը շատ ավելի կբարձրացվի, քանի որ ընտրողները որոշում են իրենց տեղական ապագան այս առումով:
Նաև նշեցի, որ բազմակուսակցական համակարգը հաստատված է: Փոքր կուսակցությունները ներկայացված կլինեն ավագանիներում, բայց ցանկալի կլիներ, որ փոքր կուսակցություններին տրվեին ավելի շատ հնարավորություններ, ավելի շատ ռեսուրսներ, միջոցներ, որովհետև ապագայում բևեռացման հաղթահարումը հնարավոր է միայն փոքր կուսակցությունների, երրորդ ուժերի հետ:
Եվ երրորդ, որպես այս երկրի կին նախագահ, ես կցանկանայի, որ այս ընտրություններին կանանց ավելի շատ տեղ հատկացվեր, հատկապես ՏԻՄ ընտրություններում, քանի որ մենք գիտենք, թե որքանով են կանայք ներգրավված տեղական տնտեսության մեջ և որքանով են կարևոր նրանց նախաձեռնությունները: Ցավալի է, որ ո՛չ ցուցակներում, ո՛չ քաղաքապետի թեկնածուներում ավելի շատ կանայք չէին առաջադրվել: Կցանկանայի, որ հաջորդ ընտրություններին սա շտկվեր: Վստահ եմ, որ սա մեր՝ բոլոր քաղաքացիների ցանկությունն է: Ցանկանում եմ շնորհավորել այն կանանց, ովքեր հասել են որոշակի հաջողությունների, եւ ցանկանում, որ նրանք շարունակեն այս ճանապարհը», – ասել է Սալոմե Զուրաբիշվիլին:
