Ուկրաինան ուշադրության կենտրոնում է, և Վրաստանի իրավիճակը այսօր մոռացված չէ: Մենք այստեղ ենք, և Եվրամիության համար կարևոր է, որ շարունակվի մեր ճանապարհը դեպի Եվրոպա, – ասել է Վրաստանի նախագահ Սալոմե Զուրաբիշվիլին, ով հանդիպել է Եվրոպական խորհրդի նախագահ Շառլ Միշելին:

Զուրաբիշվիլիի խոսքով՝ Վրաստանի համար կարևոր է անհրաժեշտ բարեփոխումների իրականացումը։

«Այսօր Ուկրաինան և Ուկրաինայում տեղի ունեցած շատ ծանր իրադարձությունները և համերաշխությունը ռուսական ագրեսիայի դեմ բոլորի ուշադրության կենտրոնում են։ Այսօր Վրաստանում տիրող իրավիճակը մոռացված չէ, մենք այստեղ ենք, և ԵՄ-ի համար կարևոր է շարունակել մեր ճանապարհը դեպի Եվրոպա, ձեռնարկել բոլոր անհրաժեշտ միջոցներն ու բարեփոխումները, իսկ մեր և այլ ասոցացված երկրների ապագան, հավանաբար, նոր զարգացումներն են և նոր միջավայրը, որը նոր հեռանկար կտա, բայց մենք բոլորս պետք է պատրաստ լինենք դրան»,- ասել է Սալոմե Զուրաբիշվիլին։