Սալոմե Զուրաբիշվիլի. Թամազ Գամղրելիձեի մահը մեծ կորուստ է ոչ միայն ընտանիքի, այլ ամբողջ երկրի համար
Վրաստանի նախագահ Սալոմե Զուրաբիշվիլին ցավ է հայտնում լեզվաբան և ակադեմիկոս Թամազ Գամղրելիձեի մահվան կապակցությամբ և վրաց ժողովրդի անունից ցավակցում նրա ընտանիքին և հարազատներին:
Ինչպես այսօր Վրաստանի նախագահը նշեց Սիոնի տաճարում Թամազ Գամղրելիձեի քաղաքացիական հոգեհանգստի արարողությանը, նրա մահը մեծ կորուստ է ոչ միայն ընտանիքի, այլև ամբողջ երկրի համար:
«Մի քանի ամիս առաջ Թամազ Գամղրելիձեն պարգեւատրվել էր պայծառության շքանշանով, բայց համաճարակի և նրա հիվանդության պատճառով հնարավոր չեղավ կենդանության օրոք փոխանցել այս բարձրագույն պետական մրցանակը: Մենք պատրաստվում ենք միջոցառումը անցկացնել պատշաճ պայմաններում և հիշել նրա վաստակը մեր երկրի առջև», – ասաց Վրաստանի նախագահը:
Ակադեմիկոս Թամազ Գամղրելիձեն մահացավ փետրվարի 10-ին՝ 91 տարեկան հասակում:
Կրթության, գիտության, մշակույթի և սպորտի նախարար Միխեիլ Չխենկելիի նախաձեռնությամբ կստեղծվի Թամազ Գամղրելիձեի անվան մրցանակ: