Սալոմե Զուրաբիշվիլի. Շնորհավորում եմ ընտրվելու կապակցությամբ, նախագահ Թրամփ, ուժեղ ԱՄՆ-ն ավելի քան երբևէ անհրաժեշտ է Վրաստանի եվրաատլանտյան ինտեգրմանը աջակցելու և տարածաշրջանային անվտանգությունն ամրապնդելու համար
Վրաստանի նախագահ Սալոմե Զուրաբիշվիլին շնորհավորել է Դոնալդ Թրամփին՝ ԱՄՆ նախագահի պաշտոնում ընտրվելու կապակցությամբ։
Այս մասին Զուրաբիշվիլին գրառել է սոցցանցում։
«Շնորհավորում եմ ձեր ընտրվելու կապակցությամբ, պարոն նախագահ։ Ուժեղ ԱՄՆ-ը՝ 33 տարվա մեր ռազմավարական գործընկերն ու բարեկամն այժմ, առավել քան երբևէ, պետք է աջակցել Վրաստանի եվրաատլանտյան ինտեգրմանը, ամրապնդել տարածաշրջանային անվտանգությունն ու կայունությունը, պաշտպանել մեր ազատությունն ու անկախությունը»,- գրառել է Սալոմե Զուրաբիշվիլին։
Նախնական տվյալներով՝ ԱՄՆ նախագահական ընտրություններում հաղթել է Հանրապետական կուսակցության նախագահի թեկնածու Դոնալդ Թրամփը։
