Սալոմե Զուրաբիշվիլի. Շնորհակալ եմ իմ ներկայացուցիչներին, ովքեր դիմակայեցին բոլոր տեսակի ճնշումներին, վիրավորանքներին, արժանապատվորեն պաշտպանեցին նախագահի ինստիտուտը անհեթեթ մեղադրանքների պայմաններում
Ցանկանում եմ շնորհակալություն հայտնել իմ ներկայացուցիչներին, ովքեր դիմակայեցին բոլոր տեսակի ճնշումներին և վիրավորանքներին, անհեթեթ մեղադրանքների և գոյություն չունեցող ապացույցների պայմաններում նրանք արժանապատվորեն պաշտպանեցին նախագահի ինստիտուտը,- այս մասին գրում է Վրաստանի նախագահ Սալոմե Զուրաբիշվիլին։
Սալոմե Զուրաբիշվիլին արձագանքում է Սահմանադրական դատարանում իմպիչմենտի հարցով այսօրվա նիստին:
«Շնորհակալ եմ իմ ներկայացուցիչներին, ովքեր աննախադեպ դատավարության ընթացքում դիմագրավեցին բոլոր տեսակի հոգեբանական, բարոյական ճնշումներին ու վիրավորանքներին՝ ուղղված ինչպես ինձ, այնպես էլ իրենց, անհեթեթ մեղադրանքների ու գոյություն չունեցող ապացույցների պայմաններում արժանապատվորեն պաշտպանեցին նախագահի ինստիտուտը»,- գրել է Սալոմե Զուրաբիշվիլին։
Սահմանադրական դատարանն այսօր սկսել է Վրաստանի նախագահի դեմ ներկայացված սահմանադրական հայցի առարկայական վերանայումը։ Դատարանում նախագահի ներկայացուցիչներն են Մայա Կոպալեիշվիլին և Թամար Չուգոշվիլին։ Նախագահի իմփիչմենթի հարցով լսումները կշարունակվեն վաղը՝ ժամը 11:00-ին։
