Այս օրը ուզում եմ նվիրել ուկրաինացի կանանց, որտեղ երկիրը ռմբակոծվում է ավելի քան մեկ տարի,- ասել է Վրաստանի նախագահ Սալոմե Զուրաբիշվիլին՝ Թբիլիսիում Կանանց միջազգային համաժողովում իր ողջույնի խոսքում։

Նախագահը նշել է, որ պատերազմն անմիջական ազդեցություն ունի կանանց վրա։

«Ցանկանում եմ, շնորհակալություն հայտնել համաժողովին գալու համար, ողջունում եմ մեր սիրելի միջազգային ընկերներին, վրացի գործընկերներին, բարեկամներին, և շնորհակալ եմ Թբիլիսիում երկրորդ միջազգային համաժողովին մասնակցելու համար։

Սա համաժողով է՝ նվիրված խաղաղությանը, անվտանգությանը, հակամարտություններին, այն ամենին, ինչ կանայք կարող են անել իրավիճակը մեղմելու և բարելավելու համար։ Կանայք ուղղակիորեն տուժում են պատերազմից: Այս օրը ես ուզում եմ նվիրել ուկրաինացի կանանց, որտեղ երկիրը ռմբակոծվում է ավելի քան մեկ տարի։ Հաջորդ տարի Թբիլիսիում կայանալիք Կանանց միջազգային համաժողովում մենք կխոսենք այն մասին, թե ինչպես կարելի է խաղաղություն կառուցել ամբողջ աշխարհում նորովի կամ նոր նախաձեռնություններով»,- ասել է Սալոմե Զուրաբիշվիլին։