Ռուսաստանի անօրինական, հանցավոր և մտահոգիչ որոշումը՝ Օչամչիրեում, ինքնիշխան Վրաստանի տարածքում, բացել հերթական ռազմական և առաջին ռազմածովային բազան։ Այդ սադրանքը վտանգ է ներկայացնում ոչ միայն Վրաստանի, այլեւ ողջ տարածաշրջանի համար,- նշված է Վրաստանի նախագահ Սալոմե Զուրաբիշվիլիի հայտարարության մեջ։

Ինչպես նշում է Սալոմե Զուրաբիշվիլին, սա մեծ ականապատ դաշտ է Սև ծովի անվտանգության, վաղվա Անակլիայի նավահանգստի և Վրաստանի եվրոպական ճանապարհի համար։

«Այս քայլով Ռուսաստանը փորձում է ուժեղացնել իր ազդեցությունը սեւծովյան տարածաշրջանում եւ գերակայել տարածաշրջանում։ Կոչ եմ անում Վրաստանի գործընկերներին և միջազգային հանրությանը անհապաղ արձագանքել»,- ասված է հայտարարության մեջ։

Ռուսական «Իզվեստիյա»-ին տված հարցազրույցում օկուպացված Աբխազիայի դե ֆակտո նախագահ Ասլան Բժանիան ասել է, որ Ռուսաստանը ծրագրում է ռազմական և ռազմածովային ուժերի բազաների նոր մշտական ​​կետ ստեղծել օկուպացված Աբխազիայում՝ Սև ծովի ափին։