Սալոմե Զուրաբիշվիլի. Լեքսո Թորաձեի մահով Վրաստանը կորցրեց մեծ վրացու, երաժշտությունը՝ մեծ դաշնակահարի, իսկ ընկերները՝ մեծ ընկերոջ
Սալոմե Զուրաբիշվիլի. Լեքսո Թորաձեի մահով Վրաստանը կորցրեց մեծ վրացու, երաժշտությունը՝ մեծ դաշնակահարի, իսկ ընկերները՝ մեծ ընկերոջ

Վրաստանի նախագահ Սալոմե Զուրաբիշվիլին իր ցավն է հայտնել դաշնակահար Ալեքսանդր (Լեքսո) Թորաձեի մահվան կապակցությամբ։ Սալոմե Զուրաբիշվիլիի խոսքով՝ Վրաստանը կորցրել է մեծ վրացու, երաժշտությունը՝ մեծ դաշնակահարի, իսկ ընկերները՝ մեծ ընկերոջ։

«Ես Լեքսոյին հանդիպել եմ Նյու Յորքում գրեթե 40 տարի առաջ… նա «նոր» էմիգրանտ, ես «հին» էմիգրանտի զավակ, և ամբողջ երեկո մենք խոսել ենք ամեն ինչի և Վրաստանի մասին։ Նա տաղանդավոր երաժիշտ, ես՝ երիտասարդ դիվանագետ… Դրանից հետո մենք հաճախ չէինք հանդիպում, բայց որտեղ կարող էի, բաց չէի թողնում նրա համերգները: Վրաստանը կորցրեց մեծ վրացու, երաժշտությունը՝ մեծ դաշնակահարի, իսկ ընկերները՝ մեծ ընկերոջ»,- գրել է Սալոմե Զուրաբիշվիլին ֆեյսբուքյան իր էջում։

69 տարեկանում մահացել է դաշնակահար Ալեքսանդր (Լեքսո) Թորաձեն։ Դաշնակահարն ապրել է ԱՄՆ-ում, որտեղ էլ մահացել է իր տանը։

Թողնել մեկնաբանություն