Սալոմե Զուրաբիշվիլի. Կտեսնեք, թե ում եմ ներում շնորհելու, երբ ներում շնորհեմ
Կտեսնեք, թե ում եմ ներում շնորհելու, երբ ներում շնորհեմ,- այսպես պատասխանեց Վրաստանի նախագահ Սալոմե Զուրաբիշվիլին լրագրողների հարցին, թե մտադիր է արդյոք ներում շնորհել Վրաստանի նախկին նախագահ Միխեիլ Սաակաշվիլիին։
«Ես այստեղ չեմ եկել Ստալինի կամ Սաակաշվիլիի մասին խոսելու։ Ես մասնակցել եմ նոյեմբերի 7-ին, և դա վրաց ժողովրդի պայքարն էր։ Ես այլ բան չունեմ ասելու այդ մասին։ Ես այստեղ չեմ խոսում որևէ մեկին ներում շնորհելու մասին և չեմ պատասխանում հարցերին, կտեսնեք, թե ում եմ ներում շնորհելու, երբ կլինի համաներում»,- ասել է Սալոմե Զուրաբիշվիլին։