Ես խորապես վրդովված եմ ռուսական օկուպացիոն ուժերի կողմից ապօրինի ձերբակալության ժամանակ Վրաստանի քաղաքացու սպանությունից,- սոցցանցում գրել է Վրաստանի նախագահ Սալոմե Զուրաբիշվիլին։

Նախագահի խոսքով՝ սա կոպիտ հարձակում է վրացական պետականության վրա։

«Վրացական պետականության վրա այս դաժան հարձակումը հերթական անգամ բացահայտում է «մեկ հավատքի եղբոր» իրական դեմքը։ Ես շտապ կոչ եմ անում միջազգային հանրությանը միանշանակ դատապարտել Ռուսաստանի գործողությունները, որը բացահայտ և անամոթաբար խախտում է բոլոր միջազգային նորմերը»,- գրել է Զուրաբիշվիլին։

Պետական ​​անվտանգության ծառայության տվյալներով՝ Կիրբալիի մերձակայքում օկուպացված տարածքում տեղի բնակչին ապօրինի ձերբակալելու փորձի ժամանակ ռուսական օկուպացիոն ուժերի կրակոցից Վրաստանի քաղաքացի է մահացել։