Սալոմե Զուրաբիշվիլի. Կարևոր է բնակչությանը ևս մեկ անգամ հիշեցնել, որ պատվաստումն անհրաժեշտ է, համաճարակը ոչ մի տեղ չի վերանա, ավելի լավ է ձեռնարկել բոլոր անհրաժեշտ միջոցները և այն սկսվում է պատվաստումից
Վրաստանի նախագահ Սալոմե Զուրաբիշվիլին բնակչությանը պատվաստվելու կոչ է անում:
Այդ մասին նա հայտարարել է այսօր Ժնևում՝ Առողջապահության համաշխարհային կազմակերպության գլխավոր տնօրեն Թեդրոս Գեբրեյեսուսի հետ հանդիպումից հետո:
«Կարծում եմ, որ այսօր շատ կարևոր է մեր ժողովրդին այստեղից՝ Ժևից և Առողջապահության համաշխարհային կազմակերպությունից հիշեցնել, որ պատվաստումն անհրաժեշտ է: Համաճարակը ոչ մի տեղ չի վերանա, ուստի ավելի լավ է, որ մենք ձեռնարկենք բոլոր անհրաժեշտ միջոցները, և այն սկսվի պատվաստումից:
Վրաստանում այսօր գրանցվել է 4212 նոր դեպք: Սա նշանակում է, որ համաճարակը շարունակվում է, և հնարավոր է որոշակի աճ: Պատվաստումն անհրաժեշտ է բոլորի համար, և հատկապես առողջապահության ոլորտում և դպրոցներում աշխատող մարդկանց, ուսուցիչների և այլոց համար:
Եթե մենք ցանկանում ենք, որ երեխաները շարունակեն (և մենք բոլորս դա շատ ենք ուզում) հաճախել դպրոց և ստիպված չլինենք նոր սահմանափակումներ մտցնել, ապա կարևոր է, որ մենք բոլորս պատասխանատու լինենք: Պատվաստում և շնչադիմակ, շնչադիմակ և պատվաստում», – ասաց Վրաստանի նախագահը:
