Վրաստանի նախագահ Սալոմե Զուրաբիշվիլին ևս մեկ անգամ շնորհակալություն հայտնեց Եվրոպական խորհրդի նախագահ Շառլ Միշելին՝ գործադրած ջանքերի համար:

Նրա խոսքով, պայմանագրի փաստաթղթում այսօր ավելացվել են նոր ստորագրություններ, և նա հույս ունի, որ շարունակելով այս գործընթացը հետագայում կատարյալ արդյունք կստանան:

«Պարոն նախագահ, ես կցանկանայի վերահաստատել իմ հարգանքն ու շնորհակալություն հայտնել այն ջանքի համար, որը մեզ բերել է մինչ օրս: Այսօր առավոտյան ավելի շատ ստորագրություններ կան համաձայնագրի փաստաթղթի վրա, դա նշանակում է, որ երեկ սկսված դինամիկան շարունակվում է, ես շատ հուսով եմ, որ առաջիկա օրերին, ապագայում, մենք կշարունակենք և կստանանք լիարժեք արդյունք: Դա կլինի և արդեն իսկապես հաղթանակ է բոլորի համար, առաջին հերթին այս երկրի համար:

Ձեր և ձեր ներկայացուցչի, ինչպես նաև Միացյալ Նահանգների օգնությամբ ստորագրված համաձայնագիրը շատ բան է նշանակում ներքաղաքական առաջընթացի համար:

Նախ, դա շատ կարևոր է հասարակության համար, քանի որ հասարակությունն իսկապես հոգնել էր, ես կասեի՝ նույնիսկ գերհոգնած, լարված այս բևեռացումից, առճակատումից և անվերջ խառնաշփոթից, նույնիսկ վիրավորական էր, քանի որ դրանք այն արժեքները չեն, որոնք եղել և պետք է լինեին Վրաստանի արժեքները: Ուստի այսօր հասարակությունը թեթևացած շունչ քաշեց և զգաց, որ սա իր համար հաղթանակի օր է», – ասաց Շառլ Միշելի հետ մամուլի ասուլիսում Սալոմե Զուրաբիշվիլին: