Հակամարտության ընթացքում Վրաստանը կանգնած էր խաղաղության կողմում և կանգնած է, ի նշան դրա՝ առաջարկվել է մեր հարթակը, երկխոսության և դեէսկալացիայի համար: Այս առաջարկը մնում է ուժի մեջ ցանկացած պահի, – ասել է Վրաստանի նախագահ Սալոմե Զուրաբիշվիլին՝ Հայաստանի նախագահ Արմեն Սարգսյանի հետ մամուլի ասուլիսի ժամանակ:

Ըստ Զուրաբիշվիլիի, Հայաստանի նախագահի այցը Վրաստան նախատեսված էր շատ վաղուց, սակայն դրան խանգարեց համաճարակը, ինչպես նաև տարածաշրջանում զարգացած հակամարտությունը:

«Պարոն նախագահ, ես ուրախ եմ, որ հյուրընկալվում եք մեր երկրում: Այս այցը նախատեսված էր շատ վաղուց, և, ցավոք, այն հնարավոր չէր իրականացնել: Համաճարակը, տարածաշրջանում զարգացած հակամարտությունը մեծապես խանգարեց մեզ, և մինչ այժմ մենք չկարողացանք կազմակերպել այս այցը: Ես շատ ուրախ եմ, որ այսօր Օրբելիանի պալատում ձեզ ընդունելու հնարավորություն ունեցա: Մեր նախորդ հանդիպումից հետո մենք բոլորս Կովկասում բախվեցինք շատ լուրջ մարտահրավերների, մի կողմից համաճարակի պատճառով, համաճարակը ազդեց բոլոր երեք երկրների տնտեսությունների վրա, փակեց մեզ, մարդկային զոհեր եղան, սակայն տարածաշրջանի համար շատ ավելի ծանր էր պատերազմով պայմանավորված զոհերը: Ցանկանում եմ ցավակցություն հայտնել այս պատերազմի ընթացքում զոհվածների ընտանիքներին և ցավակցություն հայտնել Ձեզ, պարոն նախագահ: Հակամարտության ընթացքում, ինչպես այժմ, Վրաստանը կանգնած էր և կանգնած է խաղաղության կողմում: Ի նշան առաջարկվեց մեր հարթակը առաջարկվեց հանդիպումների, երկխոսության և իրավիճակի մեղմացման համար, այդ առաջարկը մնում է ուժի մեջ»,- հայտարարել է Սալոմե Զուրաբիշվիլին: