Ընտրությունների հետաձգումը օգուտ չի բերի երկրի կայունությանը, սակայն իրավիճակը կթելադրի որոշումը, եթե չկարողանանք պահպանել կայունության միտումը, – ասված է Վրաստանի նախագահ Սալոմե Զուրաբիշվիլիի ուղերձում, որը տարածել է նախագահի վարչությունը՝ Մարիամոբա տոնի առթիվ:

Նախագահն իր ուղերձում անդրադարձել է համավարակի պայմաններում ընտրություններ անցկացնելու հարցին:

«Ինձ հարցնում են, թե ինչ կարծիքի եք ընտրությունների մասին: Պատասխանը պարզ է. Այստեղ նույնպես մեզանից է կախված, թե որքան պատասխանատու ենք մենք այս հարցում: Կարծում եմ, որ ընտրությունների հետաձգումը օգուտ չի բերի այս երկրի կայունությանը, և ինչպես արեցինք 2020 թվականին, այսօր պետք է հնարավոր լինի ձեռնարկել համապատասխան միջոցներ՝ ընտրատեղամասում անվտանգության բոլոր նորմերն ապահովելու համար, բայց իրավիճակը կթելադրի որոշումը, եթե չկարողանանք կայունության միտում պահպանել, ինչը դիտվել է վերջին օրերին:

Պատվաստման բարձր ցուցանիշը չպետք է դանդաղեցվի, մենք բոլորս պետք է ցուցաբերենք քաղաքացիական պատասխանատվություն և հավատում եմ, որ կկարողանանք անցկացնել ընտրություններ և դպրոցները բացել: Երկուսն էլ մեր ձեռքերում են», – ասաց նախագահը: