Նախագահի թեկնածու Սալոմե Զուրաբիշվիլիի և իր ընտանիքի հանդեպ սպառնալու փաստով ներքին գործերի նախարարությունում սկսվել է հետաքննություն:

Ներքին գործերի նախարարության կենտրոնական քրեական ոստիկանության դեպարտամենտի տնօրեն Վլադիմիր Բորցվաձեի հայտարարությամբ, նոյեմբերի 10-ին, նախագահի անկախ թեկնածու Սալոմե Զուրաբիշվիլին դիմել է ներքին գործերի նախարարությանը և հայտնել, որ ֆեյսբուք սոցիալական ցանցի միջոցով, իր և իր ընտանիքի անդամների հասցեին հնչեցվել են սպառնալիքներ:

Վլադիմիր Բորցվաձեի հայտարարությամբ, նույն օրը, ներքին գործերի նախարարության կենտրոնական քրեական ոստիկանության դեպարտամենտը հետաքննություն է սկսել  համակարգչային համակարգ ներխուժելու և սպառնալու փաստերով: քրեական գործը հարուցվել է Վրաստանի ՔՕ 284-րդ հոդվածի առաջին մասով և 151-րդ հոդվածի առաջին մասով:

Սալոմե Զուրաբիշվիլին այսօր ճեպազրույցի ժամանակ հայտարարել է, որ նոյեմբերի 9, 10 և 11-ին իմ և իմ զավակների՝ Թեյմուրազի և Քեթևանի հասցեին կարճ տեքստային հաղորդագրությունների միջոցով ուղարկվել են սպառնալի բովանդակության ուղերձներ: Հաղորդագրությունները պարունակում էին շատ ծանր բովանդակություն: