Սալոմե Սամադաշվիլի. - Մենք Շառլ Միշելի հետ կխոսենք այն մեխանիզմների մասին, որոնց միջոցով ԵՄ-ն կարող է իշխանությանը ստիպել կատարել այն քայլերը, որոնց սպասում են մեր հասարակությունն ու գործընկերները
Ըստ ընդդիմադիր պատգամավոր Սալոմե Սամադաշվիլիի, երեկ խորհրդարանում տեղի ունեցած իրադարձությունները ցույց տվեցին, որ «Վրացական երազանքն» իրականում սպառել է երկիրը կառավարելու իր հնարավորությունը, քանի որ խաղաղ ցույցերի ֆոնին որոշել է չեղյալ հայտարարել ամենակարևոր նիստը, որտեղ հասարակությունը սպասում էր պատասխան հարցերին այն վերաբերյալ, թե ինչու պետությունը չկարողարցավ հուլիսի 5-ին պաշտպանել իր քաղաքացիներին:
«Ակնհայտ է, որ մենք խոսելու ենք հուլիսի 5-ի արդյունքում ստեղծված քաղաքական ճգնաժամի մասին: Մեր դիրքորոշումն է՝ այս իշխանությունը փոխել արտահերթ ընտրությունների միջոցով: Այսօրվա ամենակարևոր խնդիրն է կատարել այն փաստաթուղթը, որը ես ստորագրել եմ Միշելի մասնակցությամբ և կրում է Միշելի անունը», – ասաց Սալոմե Սամադաշվիլին Բաթումիում Եվրոպական խորհրդի նախագահ Շառլ Միշելի և ընդդիմության հանդիպումից առաջ:
Ըստ Սալոմե Սամադաշվիլիի, Շառլ Միշելի համաձայնագրի կատարման հարցում կան մի շարք մարտահրավերներ:
«Իշխանությունը խախտել է պայմանավորվածությունը, երբ Գերագույն դատարանում դատավորներ է նշանակել: Մենք մանրամասն խոսելու ենք այն մեխանիզմների մասին, որոնք ԵՄ-ն կարող է մշակել այսօր՝ իշխանությանը հարկադրելու համար կատարել այն քայլերը, որոնք մեր հասարակությունն ու միջազգային գործընկերները ակնկալում են այս իշխանությունից: ԵՄ օգնությունը անվերապահ չէ, այն առաջին հերթին կախված է Միշելի համաձայնագրի իրականացումից: Այս մասին մենք սկզբունքային զրույց կունենանք Միշելի հետ», – ասաց Սալոմե Սամադաշվիլին:
