Քանի դեռ ուկրաինական իշխանությունները համապատասխան հայտարարություն չեն արել, որ ավարտվել է Ուկրաինայի դեսպանի հետկանչը խորհրդակցությունների համար, կարելի է ենթադրել, որ նա կրկին հետ է կանչված խորհրդակցությունների, – ասել է «Լելոյի» անդամ Սալոմե Սամադաշվիլին։

Այս մեկնաբանությամբ Սամադաշվիլին արձագանքել է տարածված տեղեկատվությանը, թե Ուկրաինայի դեսպան Իգոր Դոլգովը գտնվում է Վրաստանում։

«Եթե Ուկրաինայի դեսպանին հետ կանչելու որոշումը վերանայվի, ապա համապատասխան հայտարարություն պետք է անեն երկրի քաղաքական ղեկավարությունը եւ նախագահը։ Ես իսկապես չգիտեմ, թե որտեղ է գտնվում Ուկրաինայի դեսպանը ֆիզիկապես, բայց քանի դեռ ուկրաինական իշխանությունների կողմից համապատասխան հայտարարություն չի արվել, որ ավարտվել է Ուկրաինայի դեսպանի հետկանչը խորհրդակցությունների համար, կարելի է ենթադրել, որ նա դեռ հրավիրված է խորհրդակցությունների։ Եթե նախագահ Զելենսկին հայտարարություն անի, որ հետ է վերադարձնում դեսպանին խորհրդակցությունից, ապա կարելի է համարել, որ դեսպանը վերադարձել է իր պարտավորությունների կատարմանը»,- ասել է Սալոմե Սամադաշվիլին։

Տեղեկության համար՝ Վրաստանում է Ուկրաինայի դեսպան Իգոր Դոլգովը։ Վրաստանի Առաջին ալիքի տեսախցիկը ֆիքսել է, թե ինչպես է Իգոր Դոլգովը ժամանել Ուկրաինայի դեսպանատուն։ Ուկրաինայի դեսպանը չի ներկայացել լրատվամիջոցներին այն բանից հետո, երբ Ուկրաինայի նախագահ Վլադիմիր Զելենսկին մարտի 1-ին նրան կանչել է Վրաստանից։