Սալոմե Սամադաշվիլի. Հիշեք իմ խոսքը, էլի շատ մարդիկ դուրս կգան փողոց, հարյուր հազարավոր մեր համաքաղաքացիներ դուրս կգան Վրաստանի փողոցներ
Ընտրությունը վրաց ժողովրդինն է, կա՛մ մենք կընտրենք Եվրոպան և մեր ապագան Եվրամիությունում, կա՛մ կընտրենք ռուս օլիգարխի ռեժիմը և նրա իշխանության շարունակությունն այս երկրում։ Ես ոչ մեկին խորհուրդ չեմ տալիս երկրում դատական գործընթացներ սկսել ընդդիմության դեմ՝ օլիգարխիայի դեմ պայքարի քողի տակ,- խորհրդարանի լիագումար նիստում ասել է ընդդիմադիր պատգամավոր Սալոմե Սամադաշվիլին։
Պատգամավորի կարծիքով՝ նման բոլոր նախաձեռնությունները միայն կարագացնեն արդեն սկսված գործընթացը։
«Վրացական երազանք»-ի յուրաքանչյուր քայլ, որը կսահմանափակի մեր երկրում ժողովրդավարական տարածքը, միայն կարագացնի մեր երկրում բազմաթիվ հանրահավաքների շարունակությունը, ինչպես նաև Եվրամիության և ԱՄՆ-ի կողմից խոսքից գործի անցումը»,- ասել է Սալոմե Սամադաշվիլին։
Պատգամավորի խոսքով, տասնյակ հազարավոր ուսանողներ հունիսի 20-ին դուրս են եկել Վրաստանում իրենց ապագան պաշտպանելու։
«Վրացի ժողովուրդը երեկ կատարեց իր ընտրությունը և դուրս եկավ փողոց։ Հիշեք իմ խոսքերը՝ էլի շատ մարդիկ դուրս կգան փողոց, հարյուր հազարավոր մեր համաքաղաքացիներ դուրս կգան Վրաստանի փողոցներ»,- ասել է Սալոմե Սամադիշվիլին։