Երբ իշխող թիմը այնպիսի զգացում ունի, որ բավականաչափ հաշվեհարդար չի լինում ընդդիմախոսների հետ և խախտում է ստանձնած պարտականությունները, իհարկե, այս մարդկանց հետ բարդ է խոսել հաշտության մասին,- ասել է ընդդիմադիր պատգամավոր Սալոմե Սամադաշվիլին՝ գնահատելով Սաակաշվիլիի հայտարարությունը ազգային հաշտեցման մասին։

Նրա խոսքով, հաշտեցման համար երկու կողմից էլ պետք է քաղաքական կամք լինի։

«Եթե երկրում չլիներ քաղաքականացված արդարադատություն, ապա մեր երկրի քաղաքացիները իսկապես կգնահատեին քաղաքական գործիչներին ընտրությունների օրը, քվեատուփի մոտ, և նրանց վերաբերմունքը լավագույն պատասխանը կլիներ ցանկացած քաղաքական գործչի համար, թե ինչպես են մարդիկ գնահատում նրանց ձեռքբերումները, սխալները կամ նրանց պահվածքը:

Ցավալի իրողություն է, որ երկրի բարձրագույն օրենսդիր մարմին եկած «Վրացական երազանքի» ազդեցիկ ներկայացուցիչ Թեա Ծուլուկիանին այնպես սրտնեղելով ասաց, որ իշխանությունն ավելի լավ հաշվեհարդար չի լինում իր քաղաքական հակառակորդների հետ։ Նա ուղղակիորեն դա ընդունել է որպես սեփական սխալ։ Երբ իշխող թիմն այդպիսի տրամադրություն ունի, որ բավականաչափ չի հաշվեհարդար չի լինում իր քաղաքական հակառակորդների հետ և դրժում է ստանձնած պարտավորությունները, պարզ է, որ այդ մարդկանց հետ հաշտության մասին խոսելը դժվար է, քանի որ երկու կողմից էլ պետք է լինի քաղաքական կամք։ «Վրացական երազանքը» դեռ շարունակում է իր քաղաքական օրակարգը՝ քաղաքական հաշվեհարդար տեսնելու նպատակով, քանի որ նրանք չունեն դրական օրակարգ»,- ասել է Սալոմե Սամադաշվիլին։

Վրաստանի նախկին նախագահ Միխեիլ Սաակաշվիլին օրեր առաջ ֆեյսբուքյան իր էջում նամակ էր հրապարակել՝ կապված ազգային հաշտեցման հետ։

«Առաջիկա օրերին պայքարը կսրվի ու չի դադարի, քանի դեռ չեք պարտվել։ Կամ եթե ուշքի գաք ու ազգային հաշտության գաք, սա լավագույն լուծումն է բոլորի համար»,- ասված է նամակում։