Սահմանվելու է կոսմետիկ արտադրանքի շուկայում տեղաբաշխման կանոններն ու նորմերը։ Այս մասին նշված է կառավարության 2024 թվականի գործունեության ծրագրում, որը գործադիր իշխանությունը ներկայացրել է խորհրդարանին։

Համապատասխան փոփոխություններ են նախատեսվում կատարել «Հանրային առողջության մասին» օրենքում։

Կառավարության պարզաբանմամբ՝ այսօր երկիրը չունի կոսմետիկ արտադրանքի հետ կապված Եվրամիության օրենսդրությանը համապատասխան կարգավորող դաշտ, ինչն արտացոլված է նաև Վրաստանի վերաբերյալ Եվրահանձնաժողովի աշխատանքային խմբի 2023 թվականի զեկույցում:

«Օրենքի նախագծի մշակման հիմքերից մեկը Վրաստանի օրենսդրության ներդաշնակեցումն է Եվրամիության կանոնակարգին (Regulation (EC) N 1223/2009), որն օգտագործվել է որպես ուղեցույց օրենքի նախագծի մշակման գործընթացում և համապատասխան տեխնիկական կանոնակարգերը: «Տեխնիկական կանոնակարգ – կոսմետիկ արտադրանքի մասին» սահմանում է կոսմետիկ արտադրանքի շուկայահանման կանոններն ու նորմերը՝ բնակչության առողջության պաշտպանվածությունն ապահովելու նպատակով։ Կանոնակարգը չի տարածվում էնդոգեն ընդունման, ինհալացիայի, ներարկման կամ մարդու օրգանիզմում իմպլանտացիայի համար նախատեսված նյութերի կամ խառնուրդների վրա: Տեխնիկական կանոնակարգը սահմանում է տնտեսավարող սուբյեկտների, այդ թվում՝ արտադրողի, ներմուծողի, դիստրիբյուտորի և պայմանագրով սահմանված «պատասխանատու անձի» դերն ու պարտականությունները։ Տեխնիկական կանոնակարգը սահմանում է շուկայում տեղաբաշխումից առաջ և հետո վարչարարության և դրա համար պատասխանատու գերատեսչությունների խնդիրները»,- նշված է կառավարության ծրագրում։