Սահմանազատման հանձնաժողովի անդամները այն ժամանակ գործել են օպտիմալ հնարավորություններով, նրանց արհեստավարժության և բարեխղճության մեջ չեմ կասկածում,- այս մասին Դավիթ Գարեջիի գործով գլխավոր դատախազությունում երկրորդ անգամ հարցաքննվելուց հետո, հայտարարել է արտաքին գործերի նախարարի նախկին տեղակալ Նիկոլոզ Վաշակիձեն:

Նրա խոսքով, մանրամասն տեղեկություններ չունի հետաքննության ժամանակահատվածի վերաբերյալ, քանի որ հանձնաժողովը ղեկավարել է 2008 թվականին, իսկ մինչ այդ աշխատանքներին ներգրավված չի եղել:

Ինչ վերաբերում է հարցաքննության բովանդակությանը, նրա խոսքով, ստորագրել է չհրապարակելու մասին համաձայնությունը, որի պատճառով չի կարող խոսել:

«Ես հավատում եմ հանձնաժողովի անդամների բարեխղճությանը և արհեստավարժությանը:
Չեմ կարող ասել, որ Դավիթ Գարեջիի այս հատվածները գտնվում էին Ադրբեջանի կողմում: Հանձնաժողովի շրջանակներում երկկողմ արձանագրությունը չի ստորագրվել, այդ հարցը մնում է բաց»,- ասել է Վաշակիձեն:

Միևնույն ժամանակ, նա չի բացառում, որ Դավիթ Գարեջիի գործի հետաքննությունը քաղաքական դրդապատճառներ կունենա, քանի որ, ըստ Վաշակիձեի, պետք է նախատեսել հետաքննության ժամանակահատվածը և նախկին վարչապետ Իրակլի Ղարիբաշվիլիի հայտարարությունները, որը «շատ մեծ խմբի անվանել է դավաճաններ»: Նիկոլոզ Վաշակիձեի խոսքով, հանձնաժողովի աշխատանքը մանրակրկիտ ուսումնասիրության կարիք ունի:

Դավիթ Գարեջիի գործով դատախազությունը հոկտեմբերի 7-ին ձերբակալել է Վրաստանի արտաքին գործերի նախարարության հարևան երկրների դեպարտամենտի սահմանային հարաբերությունների ծառայության պետ, Իվերի Մելաշվիլիին և Վրաստանի ՆԳ նախարարության սահմանային ոստիկանության ցամաքային սահմանի պաշտպանության դեպարտամենտի գլխավոր տեսուչ, Նատալիա Իլիչովային:

Ընթացիկ տարվա օգոստոսի 17-ին Վրաստանի գլխավոր դատախազությունը հետաքննություն սկսել քրեական գործով, օտար երկրին Վրաստանի տարածքի մի մասը փոխանցելուն ուղղված գործողության իրականացման փաստով, Վրաստանի քրեական օրենսգրքի 308-րդ հոդվածի առաջին մասով նախատեսված հանցագործության նշաններով: