Արևմտյան Վրաստանում ձյան առատ տեղումների վերացման աշխատանքներին ներգրավվել է Ներքին գործերի նախարարության սահմանային ոստիկանության ուղղաթիռը։ Տեղեկությունը հայտնում է ՆԳՆ-ն։

Նրանց խոսքով, փոխվարչապետ, ներքին գործերի նախարար Վախթանգ Գոմելաուրին, փոխվարչապետ, պաշտպանության նախարար Իրակլի Չիկովանին, կառավարության աշխատակազմի ղեկավար Լևան Ժորժոլիանին և տեղական իշխանությունների ներկայացուցիչներ ուղղաթիռից մոնիտորինգ են իրականացրել Գուրիայի մարզի բոլոր երեք մունիցիպալիտետների գյուղերում տիրող իրավիճակին։

«Օդերևութաբանական պայմանները բարելավելուն պես, սահմանային ոստիկանության ուղղաթիռը ներգրավվել է այսօր առավոտյան արևմտյան Վրաստանում ձյան առատ տեղումներից տուժածներին օգնելու համար: Ուղղաթիռը անհրաժեշտության դեպքում կմասնակցի փրկարարական աշխատանքներին, այդ թվում՝ բնակչությանը ապահովելով առաջին անհրաժեշտության պարագաներով և սննդով։ ՆԳՆ ստորաբաժանումները, ՊԲ-ի և այլ գերատեսչությունների ներկայացուցիչների հետ, բոլոր համապատասխան հատուկ տեխնիկայով շարունակում են աշխատել և շարունակական ռեժիմով աջակցել բնակչությանը»,- ասված է ՆԳՆ հաղորդագրության մեջ։