Սահմանադրական փոփոխությունների գրանցումը մեր կողմից բարի կամքի դրսևորում է, որն արտահայտել ենք երկխոսության շրջանակներում. Արչիլ Թալակվաձե
Մենք ասել ենք, որ խորհրդարանի դուռը բաց ենք թողնում ընդդիմության մյուս անդամների համար, եթե նրանք շահագրգռված են 2024 թվականի խորհրդարանական ընտրությունների շեմը իջեցնել, այդ հնարավորությունը ստեղծվել է, – այս մասին հայտարարել է Վրաստանի խորհրդարանի նախագահ, Արչիլ Թալակվաձեն:
«Սահմանադրական փոփոխությունն ամեն դեպքում սահմանադրական քվորումի կարիք ունի: Հետևաբար, անհնար է ընդունել այս փոփոխությունը առանց 113 մարդու: Մեր կողմից այս նախաձեռնության գրանցումը պատասխանատվության և քաղաքական կամքի դրսևորում է, որը մենք ցույց ենք տվել քաղաքական երկխոսության շրջանակներում: Հետևաբար, մենք նաև ասացինք, որ խորհրդարանի դուռը բաց ենք թողնում ընդդիմության մյուս անդամների համար, եթե նրանք շահագրգռված են 2024 թվականի խորհրդարանական ընտրությունների շեմը իջեցնելու մեջ, այդ հնարավորությունը ստեղծվում է», – հայտարարել է Արչիլ Թալակվաձեն:
Նրա խոսքով, փոփոխությունը չի վերաբերում Վրաստանի Սահմանադրության հիմնական տեքստին:
«Մեր դիրքորոշումն այստեղ մնում է նույնը, որ սահմանադրությունը չպետք է փոխվի, և հաճախակի սահմանադրական փոփոխությունները, ինչպես նախկինում են եղել, մեզ համար ընդունելի չեն: Մեր երկիրը կայուն սահմանադրության կարիք ունի: Այսօր մենք ունենք սահմանադրություն, որը հիմնված է ազգային շահերի վրա և համահունչ է եվրոպական չափանիշներին», – ասել է Արչիլ Թալակվաձեն: