Սագարեջոյի մունիցիպալիտետի Մանավի գյուղի մոտ տեղի ունեցած վթարի հետևանքով վեց մարդ տուժել է, որոնցից մեկն անչափահաս է։ Ըստ առկա տեղեկությունների՝ իրար են բախվել երկու ավտոմեքենա։

Բոլոր վեց վիրավորները տեղափոխվել են Սագարեջոյի «Geo Hospitals» հիվանդանոց, որոնցից մեկին շտապ վիրահատում են։

«Ճանապարհատրանսպորտային պատահարի հետևանքով վեց հիվանդ է ընդունվել Geo Hospitals, այդ թվում՝ մեկ անչափահաս, մինչև ութ տարեկան երեխա։ Հիվանդներից մեկն արդեն վիրահատարանում է, նա որովայնի վնասվածք ունի, շտապ վիրահատության են ենթարկում։ Մի քանի հիվանդ ունեն բաց կոտրվածքներ, գլխուղեղի տրավմա, կատարվում են ուսումնասիրություններ և համապատասխան բուժումը։ Նրանցից ոչ ոք կոմատոզային վիճակում չէ՝ շնչառական անբավարարությամբ, գլխուղեղի վնասվածքով, բայց նրանք լուրջ հիվանդներ են, մեկն արդեն վիրահատարանում է, ինչպես դուք ասացիք, և հավանաբար բաց կոտրվածքների վիրահատության կարիք կունենան»,- ասել է Սագարեջոյի Geo Hospitals-ի գլխավոր բժիշկը։