Վրաստանի արդարադատության նախարար Ռատի Բրեգաձեի խոսքով՝ Միխեիլ Սաակաշվիլին Գլդանիի թիվ 18 հիմնարկի աշխատակիցներին վիրավորել է ինչպես ֆիզիկապես, այնպես էլ բանավոր։

Նրա խոսքով, հարցը կուսումնասիրի գլխավոր տեսչությունը և համապատասխան իրավական պատասխան կտրվի։

«Երբ Միխեիլ Սահակաշվիլին տեղավորվեց այս նոր՝ թիվ 18 հաստատությունում, ցավոք, նա ֆիզիկական և բանավոր բռնության ենթարկեց մեր աշխատակիցներին։ Այստեղ ասեմ, որ սրանք այն աշխատակիցներն են, ովքեր 24 ժամ հոգում են անվտանգության և պաշտպանում յուրաքանչյուր բանտարկյալի իրավունքները։ Մենք ոչ մեկին թույլ չենք տա բռնության ենթարկել այս աշխատակիցներին: Իհարկե, համապատասխան իրավական արձագանք կլինի մեր կողմից, մենք ուսումնասիրում ենք այս հարցը։ Ընդգծում եմ, որ ոչ ոք, անկախ նրանից, թե ով է, չի կարող իրեն թույլ տալ, որ մեր հպարտ աշխատակիցներին, ովքեր օրը 24 ժամ ծառայում են այս երկրին և ամիսներով չեն կարողանում անգամ իրենց ընտանիքի անդամներին տեսնել։ Բնականաբար, համապատասխան արձագանք կլինի»,- ասել է Ռատի Բրեգաձեն։

Նախարարի խոսքով՝ ընթացակարգերի խախտման մասին խոսելիս նորմերից ոչ մեկը չի խախտվել:

«Մենք ուսումնասիրում ենք այս հարցը և շատ շուտով հանրությանը հայտնի կլինի։ Գլխավոր տեսչությունը կսկսի ուսումնասիրությունը, և կկայացվեն հետևյալ որոշումները, որոնք, բնականաբար, կհաղորդվեն և՛ փաստաբաններին, և՛ հանրությանը։ Երբ ինչ-որ մեկը խոսում է որևէ ընթացակարգ խախտելու մասին, բացարձակապես ոչ մի նորմ չի խախտվել։ Համապատասխան հաստատությունում տեղավորվելիս նա պետք է պատշաճ ծանուցվի այն անձանց մասին, ովքեր պետք է ստանան համապատասխան տեսակի տեղեկատվություն: Ուզում եմ ևս մեկ անգամ շնորհակալություն հայտնել բոլորին, ովքեր ներգրավված են եղել բանտարկյալ Սաակաշվիլիին մի հաստատությունից մյուսը տեղափոխելու գործընթացում, – ասել է Ռատի Բրեգաձեն «Իմեդի» հեռուստաընկերության եթերում։