«Վրացական երազանք» կանանց կազմակերպությունն այսօր Ռուսթավիում անցկացրել է Քվեմո Քարթլիի տարածաշրջանային համաժողով։

Կանանց կազմակերպության խորհրդի նախագահ Նինո Ծիլոսանին համաժողովի մասնակիցներին ներկայացրել է կազմակերպության նպատակները, ներկայացրել Քվեմո Քարթլիի շրջանային խորհրդի ղեկավարին ու կազմը։

Համաժողովին մասնակցում էին կանանց կազմակերպության քաղաքական քարտուղար, փոխվարչապետ, մշակույթի, սպորտի և երիտասարդության նախարար Թեա Ծուլուկիանին, խորհրդի անդամներ՝ Ռուսթավիի քաղաքապետ Նինո Լացաբիձեն, Նինո Վարդոսանիձեն, Բայա Կվիցիանին, Նաիրա Մարշանիան, Իրմա Զավրադաշվիլին, Նինո Յոբաշվիլին, Թամար Թալիաթիաշվիլին։

«Վրացական երազանք» կանանց կազմակերպության տարածաշրջանային համաժողովներն արդեն անցկացվել են Շիդա Քարթլիում, Սամցխե-Ջավախեթիում, Ռաճա-Լեչխում-Քվեմո Սվանեթիում, Կախեթում, Իմերեթում, Սամեգրելո-Զեմո Սվանեթիում, Աջարիայում և Գուրիայում։