Ռուսթավի մեծամասնական պատգամավորի թեկնածուի շուրջ խորհրդակցություններ կանցկացվեն «Ազգային շարժման» և «Լելոյի» միջև։

Ինչպես լրագրողներին հայտնել է «Միացյալ ազգային շարժման» անդամ Խատիա Դեկանոիձեն, վերջնական որոշումը կկայացվի ընդդիմադիր կուսակցությունների, հատկապես «Լելոյի» հետ փոխադարձ պայմանավորվածությունների հիման վրա։

«Այսօր մենք հանդիպում կունենանք։ Քննարկումներ են ընթանում նաեւ կուսակցությունում։ Դուք գիտեք, որ Դավիթ Կիրկիտաձեն Ռուսթավիի ընդդիմադիր ճակատում կարևոր դեմք է, և մենք պետք է հաշվի առնենք նրա տեսակետները։ Խորհրդակցությունների ավարտից հետո մենք հայտարարություն կանենք»,- ասել է Դեկանոիձեն։

Խատիա Դեկանոիձեն նշում է, որ Բադրի Ջափարիձեին անարդարացի վերաբերմունքի է արժանացել խորհրդարանի կողմից, երբ նրան զրկել են մանդատից։

«Կարևոր է շարունակել պայքարը և որ այս պայքարում ընդդիմությունը միասնական ճակատ ցույց տա։ Ուստի, կարծում եմ, անհրաժեշտ են համակարգված գործողություններ»,- հավելել է Դեկանոիձեն։

Տեղեկության համար՝ խորհրդարանը երեկ քվեարկության արդյունքում դադարեցրել է «Լելոյի» առաջնորդներից մեկի՝ Բադրի Ջափարիձեի մանդատը։ Բադրի Ջափարիձեի պատգամավորական մանդատի դադարեցման հարցի առիթ է հանդիսացել դատարանի մեղադրական դատավճիռը։ Մանդատի դադարեցումից հետո «Լելոն» հայտարարեց, որ միջանկյալ ընտրություններում Բադրի Ջափարիձեն կառաջադրվի Ռուսթավիում որպես մեծամասնական թեկնածու։