Ռուսթավիի քաղաքապետ Նինո Լացաբիձեն Սակրեբուլոյի «Վրացական երազանք» խմբակցության ներկայացուցիչների հետ,  Ռուսթավի-Թբիլիսի երթուղու ուղեվարձի կամայական բարձրացման հետ կապված հանդիպել է Ինտերտրանս ընկերության ղեկավարության հետ,- այս մասին հայտնում է Ռուսթավիի քաղաքապետարանը։

Քաղաքապետարանի տվյալներով՝ Նինո Լացաբիձեն հանդիպմանը բացատրություններ է լսել «Ինտերտրանս»-ի ներկայացուցիչներից։

«Ինտերտրանս» ընկերությունն այսօր առավոտից կամայականորեն թանկացրել է Ռուսթավի-Թբիլիսի երթուղու ուղեվարձը։ Պաշտոնական պայմանավորվածության համաձայն՝ սակագնի բարձրացման մասին ընկերությունը պետք է ծանուցվեր քաղաքապետարանին սպասվող թանկացումից մեկ ամիս առաջ, սակայն գրավոր դիմումը քաղաքապետարան է ներկայացվել միայն երեկ»,- հայտնել են Ռուսթավիի քաղաքապետարանից։

Ռուսթավիի քաղաքապետ Նինո Լացաբիձեն ասում է, որ ընկերությունը կտուգանվի։

«Այսօր մենք հանդիպեցինք «Ինտերտրանս» ընկերության ներկայացուցիչների հետ և տեղեկություններ լսեցինք, թե ինչու են տրանսպորտի սակագինը բարձրացրել առանց քաղաքապետարանի համաձայնության։ Ինչու՞ եղավ, որ ընկերությունը սակագնի բարձրացման մասին մեզ դիմեց միայն երեկ և ոչ մեկ ամիս շուտ, ինչպես պետք է աներ իրավական նորմերին համապատասխան։ Պայմանագրի պայմանները խախտելու պատճառով կենթարկվեն օրենքով նախատեսված տույժերի։ Մենք հնարավորինս հավատարիմ էինք ընկերությանը, երբ նրանց սպասարկման որակը չէր համապատասխանում մեր պահանջներին, հենց այն պատճառով, որ փորձում էինք պահպանել ճանապարհորդության գինը։ Մենք կուսումնասիրենք ընկերության կողմից ներկայացված փաստարկները։ Մեր հիմնական շահը ռուսթավիցիներին չվնասելն է, և բնականաբար, հաշվի ենք առնելու «Ինտերտրանս»-ում աշխատող վարորդների շահերը, քանի որ նրանք ռուսթավիցի են, և յուրաքանչյուրի թիկունքում ընտանիք կա։ Քաղաքապետարանը խնդրի առջև մենակ չի թողնի Ռուսթավիի ուղևորներին կամ վարորդներին»,- ասել է Ռուսթավիի քաղաքապետ Նինո Լացաբիձեն։

Միաժամանակ, ըստ Ռուսթավիի քաղաքապետարանի, ըստ «Ինտերտրանս» ընկերության, ուղեվարձի թանկացումը հանգեցրել է վառելիքի գների կտրուկ բարձրացման, ինչպես նաև մեքենաների պահեստամասերի և սպասարկման արժեքի։