Շրջակա միջավայրի պահպանության և գյուղատնտեսության նախարարության բնապահպանական վերահսկողության վարչության աշխատակիցները, «Ռուսթավիս ազոտ» ԲԲԸ-ում ստուգել են վարչական գրությամբ սահմանված պարտավորությունների կատարման վիճակը։

Այս մասին տեղեկությունը տարածում է բնապահպանական վերահսկողության վարչությունը։

«Շրջակա միջավայրի պահպանության վարչության գրության համաձայն՝ ընկերությունը պարտավորվել է իր գործունեությունն իրականացնել բնապահպանական որոշման պայմանների պահպանմամբ։ Կատարված ստուգման արդյունքում պարզվել է, որ ընկերության կողմից որոշակի պարտավորություններ չեն կատարվել, այդ թվում՝ անկազմակերպ ցրման և թափոնների կառավարման օրենսգրքի պահանջների խախտման փաստեր։ Ստուգման գործընթացը շարունակվում է։ Ձեռնարկության նկատմամբ հարուցվել է վարչական իրավախախտման վերաբերյալ վարույթ, ուսումնասիրվում են փաստաթղթերը և կձեռնարկվեն օրենքով սահմանված համապատասխան միջոցներ»,- ասված է հաղորդագրությունում։