Ռուսաստանի պաշտպանության նախարարությունում հայտարարում են, որ Կիևի և Ուկրաինայի այլ շրջանների վրա զանգվածային հարվածները կավելանան
Ռուսաստանի պաշտպանության նախարարության հայտարարության համաձայն՝ Մոսկվան կուժեղացնի ռազմական հարվածները Կիևի և Ուկրաինայի այլ շրջանների վրա։
Լրատվամիջոցների փոխանցմամբ՝ նախարարությունն այս հայտարարությունն արել է այն բանից հետո, երբ հոկտեմբերի 3-ին Վոլոդիմիր Զելենսկին «Ռոյթերս»-ին տված հարցազրույցում նշել է, որ Ուկրաինան կավելացնի հարձակումները Ռուսաստանի ռազմական և արդյունաբերական օբյեկտների վրա։
«Այս սպառնալիքին ի պատասխան՝ Ռուսաստանի պաշտպանության նախարարությունը վերահաստատում է, որ կավելացնի զանգվածային հարվածները Կիևի և Ուկրաինայի այլ շրջանների վրա, մասնավորապես՝ ի պատասխան Կիևի ռեժիմի առաջնորդի գործողությունների։ Ուկրաինացի ժողովուրդը դրանում պետք է մեղադրի միայն Կիևի ռեժիմի ղեկավարին։ Զելենսկին կրում է լիակատար անձնական և քաղաքական պատասխանատվություն», – հայտարարել է Ռուսաստանի պաշտպանության նախարարությունը։
Ի գիտություն, հարցազրույցում Վոլոդիմիր Զելենսկին հայտարարել է, որ Կիևը և այլ քաղաքներ լքելուն ուղղված Մոսկվայի նոր օդային հարվածներին ի պատասխան՝ Ուկրաինան կկրկնապատկի հարձակումները Ռուսաստանի նավթավերամշակման գործարանների վրա։ Նրա խոսքով՝ հարձակումների թիրախը խաղաղ բնակչությունը չի լինի։