Ռուսաստանի պաշտպանության նախարարությունում հայտարարում են, որ անցած գիշեր խոցել են 40 ուկրաինական անօդաչու թռչող սարք
Ռուսաստանի պաշտպանության նախարարության հայտարարությամբ՝ անցած գիշեր խոցվել է 40 ուկրաինական անօդաչու թռչող սարք։
Նախարարության տվյալներով, ամենաշատը՝ 11 անօդաչու սարք, խոցվել է Ռյազանի մարզի վրայով, ութը՝ Նիժնի Նովգորոդի մարզի վրայով, յոթը՝ Օրյոլի մարզի վրայով։
Չորսական անօդաչու սարք խոցվել է օկուպացված Ղրիմի և Սև ծովի ջրատարածքի վրայով։ Ռուսաստանի հակաօդային պաշտպանության համակարգերը անօդաչու սարքեր են խոցել նաև Մոսկվայի, Բելգորոդի, Կալուգայի և Բրյանսկի մարզերում։
Ռուսաստանի պաշտպանության նախարարության տվյալներով, երկուշաբթի երեկոյից սկսած ընդհանուր առմամբ խոցվել է 91 ուկրաինական անօդաչու սարք, որից 40-ը՝ Կուրսկի մարզում։