Ռուսաստանի պաշտպանության նախարարությունից հայտնում են, որ Ռուսաստանի տասնմեկ մարզում և Ղրիմում 73 ուկրաինական անօդաչու թռչող սարք են խոցել
Ռուսաստանի պաշտպանության նախարարության հայտարարության համաձայն՝ հակաօդային պաշտպանության ուժերը Ռուսաստանի տասնմեկ մարզում և Ղրիմում 73 ուկրաինական անօդաչու թռչող սարք են խոցել։
Ավելի վաղ տեղական իշխանությունները հայտնել էին, որ Տվերում հարձակման է ենթարկվել նավթաբազան։
Իսկ Ստավրոպոլի երկրամասում վնասվել է ևս մեկ ձեռնարկություն, որը, ուկրաինական լրատվամիջոցների հաղորդմամբ, հավանաբար նույնպես նավթաբազա է։
Նախնական տեղեկություններով՝ հարձակման հետևանքով ոչ ոք չի տուժել։ Ռոստովի մարզի նահանգապետի հայտարարության համաձայն՝ Տագանրոգի ծոցում ևս երկու տանկեր է ենթարկվել հարձակման։
Ի գիտություն՝ Ուկրաինան վերջին ամիսներին ակտիվացրել է անօդաչուներով հարվածները Ռուսաստանի ուղղությամբ։ Նրանց հիմնական թիրախը նավթավերամշակման գործարաններն են, ինչը երկրում սրել է վառելիքային ճգնաժամը։