Ռուսաստանի պաշտպանության նախարարության տվյալներով՝ գիշերվա ընթացքում ռուսական հակաօդային պաշտպանության համակարգերը խոցել են 22 ուկրաինական անօդաչու թռչող սարք երկրի վեց տարբեր շրջանների վերևում
Ռուսաստանի պաշտպանության նախարարության տվյալներով՝ գիշերվա ընթացքում հակաօդային պաշտպանության համակարգերը խոցել են 22 ուկրաինական անօդաչու թռչող սարք վեց տարածաշրջանների վերևում։ Նախարարության տվյալներով՝ ուշ գիշերը 22 ուկրաինական անօդաչու սարք վնասազերծվել և ոչնչացվել է Աստրախանի, Կալմիկիայի, Բրյանսկի, Վոլգոգրադի, Ռոստովի շրջանների և Կրասնոդարի երկրամասի վերևում։
Աստրախանի նահանգապետի խոսքով՝ անօդաչուների զանգվածային հարձակում է տեղի ունեցել տարբեր օբյեկտների, այդ թվում՝ էներգետիկ համալիրի վրա։ Պաշտպանության նախարարության տվյալներով՝ երեկ երեկոյանից ի վեր Ռուսաստանի տարբեր շրջաններում խոցվել է 72 անօդաչու սարք, որից 36-ը՝ Կուրսկի շրջանում։
Ավելի վաղ Կուրսկի շրջանի նահանգապետ Ալեքսանդր Հինշտեյնը հայտնել էր, որ Ժելեզնոգորսկ քաղաքի վերևում խոցվել է 27 անօդաչու սարք, որոնց բեկորները հայտնաբերվել են «Վագոնմաշ» գործարանի տարածքում։ Անօդաչուների հարձակման հետևանքով Նիժնի Նովգորոդի օդանավակայանում չվերթները հետաձգվել են։