Ռուսաստանի պաշտպանության նախարարության տվյալներով՝ Իվանովկայի և Նետայլովի նկատմամբ վերահսկողություն է ձեռք բերվել, իսկ Ուկրաինայի Գլխավոր շտաբը հայտարարել է, որ ուկրաինական ուժերը յոթ հարձակում են հետ մղել Իվանովկայի մերձակայքում
Ռուսական ուժերը վերահսկողություն են հաստատել Ուկրաինայի երկու բնակավայրերի վրա։ Այս մասին գրում է «Ռոյթերս» գործակալությունը՝ հիմնվելով Ռուսաստանի պաշտպանության նախարարության տեղեկատվության վրա։
Խոսքը Խարկովի մարզի Իվանովկա, Դոնեցկի մարզի Նետայլովյե բնակավայրերի մասին է։
Ուկրաինայի գլխավոր շտաբը հայտարարել է, որ ուկրաինական ուժերը յոթ հարձակում են հետ մղել Իվանովկիի մերձակայքում՝ Կուպյանսկի արևելքում։
