Ռուսաստանի պաշտպանության նախարարության տվյալներով՝ գիշերվա ընթացքում հակաօդային պաշտպանության ուժերը ՌԴ օդային տարածքում չորս անօդաչու թռչող սարք են ոչնչացրել
Ըստ ՌԴ ՊՆ-ի՝ գիշերվա ընթացքում հակաօդային պաշտպանության ուժերը ՌԴ օդային տարածքում չորս անօդաչու թռչող սարք են ոչնչացրել, որոնցից երկուսը` Մոսկվայի մերձակայքում, ևս երկուսը` Բրյանսկի շրջանում։
Մոսկվայի քաղաքապետարանի տեղեկություններով՝ անօդաչուներից մեկը կործանվել է Կրասնոգորսկում, իսկ մյուսը՝ Չասցովում։ Տեղում մոբիլիզացված են հատուկ ծառայություններ։
Անօդաչու թռչող սարքի հարձակման ժամանակ Ռուսաստանի մայրաքաղաքի երկու օդանավակայանները՝ Շերեմետևոն և Դոմոդեդովոն, ժամանակավորապես փակվել են։
Մոսկվայի վրա անօդաչու թռչող սարքի հարձակումը շարունակվում է արդեն մի քանի օր։ Ռուսաստանը հարձակումների մեջ մեղադրում է Ուկրաինային: Ուկրաինան պաշտոնապես չի մեկնաբանում այս իրադարձությունները։