Ռուսաստանի Օրենբուրգի մարզի Օրսկ քաղաքում ամբարտակի ճեղքման պատճառով տարհանում են բնակիչներին
Ռուսական լրատվամիջոցների փոխանցմամբ՝ Օրենբուրգի մարզի Օրսկ քաղաքում ամբարտակ է պայթել։ Ըստ տեղեկությունների, ընթանում է քաղաքի բնակիչների տարհանում ։
Օպերատիվ ծառայության տվյալներով՝ ջրհեղեղի գոտում ապրում է մոտ տասը հազար մարդ։
Օրենբուրգի շրջանի կառավարության տվյալներով՝ քաղաքի ամբարտակի մի մասը կոտրվել է։ Տարհանման համար նախապատրաստվել են ժամանակավոր տարհանման կենտրոններ։
Ինչպես գրում են լրատվամիջոցները, փրկարարները փորձում են ամրացնել պատնեշը։