Ռուսաստանի նախագահի հատուկ ներկայացուցիչը հայտարարում է, որ ռուսական շուկայում հայկական արտադրանքի մի մասը կփոխարինվի ադրբեջանական արտադրանքով
Ռուսաստանի նախագահի հատուկ ներկայացուցիչ Բորիս Տիտովը հայտարարել է, որ Ռուսաստանի հետ տնտեսական կապերի խզման դեպքում Հայաստանը լուրջ դժվարությունների կբախվի, այդ թվում՝ էներգետիկայի և սննդամթերքի շուկաներում։
Նրա խոսքով՝ Հայաստանի համար էներգակիրների գները կարող են մոտենալ եվրոպական մակարդակին, մինչդեռ ներքին շուկայում սննդամթերքի գները կարող են աճել։
Ինչպես բացատրել է Տիտովը, ռուսական շուկայում հայկական արտադրանքի մի մասը կփոխարինվի ադրբեջանական արտադրանքով։
«Այն, ինչ մենք կորցնում ենք Հայաստանում, բնականաբար կփոխարինենք ադրբեջանականով», – ասել է Տիտովը։
Տեղեկատվության համար՝ հունիսի 1-ին հայտնի դարձավ, որ Ռուսաստանը արգելել է Հայաստանից կենդանի ձկան և ձկնամթերքի ներմուծումը։ Մայիսի վերջին Ռոսսելխոզնադզորը աստիճանաբար արգելել է Հայաստանից մի շարք ապրանքների ներմուծումը, այդ թվում՝ ծաղիկների, հանքային ջրի, Ջերմուկի, բանջարեղենի, խոտաբույսերի և ելակի։