Ռուսաստանի Դաշնության կողմից Ուկրաինայում պատերազմի սխալ հաշվարկը հանգեցրել է զգալի կորուստների և ռուսական բանակի սպառման,- այս մասին ասվում է բրիտանական պաշտպանության հետախուզության ծառայության զեկույցում:

Գերատեսչության տվյալներով՝ Ռուսաստանի կողմից Ուկրաինայի դիմադրության ոչ համարժեք գնահատականը և «լավագույն սցենարի» պլանավորումը հանգեցրին օպերատիվ ձախողման դրսևորմանը, որն իր հերթին թույլ չտվեց նախագահ Պուտինին մայիսի 9-ի շքերթում հայտարարել զգալի ռազմական հաջողությունների մասին:

«Ռուսաստանի ներխուժման պլանը, ամենայն հավանականությամբ, հիմնված էր այն սխալ ենթադրության վրա, որ նա կկանգնի սահմանափակ դիմադրության, կկարողանա արագ շրջապատել և շրջանցել բնակեցված տարածքները: Այս ենթադրությունը ռուսական ուժերին ստիպեց օպերացիայի բացման փուլն իրականացնել թեթև, կոնկրետ մոտեցմամբ, որի նպատակը նվազագույն գնով արագ հաղթանակի հասնելն էր։ Այս սխալ հաշվարկը հանգեցրել է չնախատեսված կորուստների և Ռուսաստանի օպերատիվ ուշադրության հետագա կրճատման»,- ասվում է գերատեսչության հաղորդագրությունում։