Ռուսաստանի կողմից Դնեպրոպետրովսկի շրջանում անօդաչու սարքերով հարձակման արդյունքում մեկ մարդ զոհվել է, չորսը՝ վիրավորվել
Ռուսաստանի կողմից Դնեպրոպետրովսկի շրջանում անօդաչու սարքերով իրականացված հարձակման արդյունքում մեկ մարդ զոհվել է, չորսը՝ վիրավորվել։ Այս մասին հաղորդում են ուկրաինական լրատվամիջոցները։
Ինչպես հայտնել է շրջանի վարչակազմի ղեկավար Սերգեյ Լիսակը, զոհվածը 12 տարեկան աղջիկ է, վիրավորների թվում կա նաև 6 տարեկան երեխա։
Ուկրաինայի Արտակարգ իրավիճակների պետական ծառայության տվյալներով՝ Ռուսաստանը հարվածել է բնակելի տանը։
«Փլատակների տակ երեխաներ կային։ Տեղի բնակիչները կարողացել են ինքնուրույն փրկել մեկ երեխայի, սակայն 2012 թվականին ծնված աղջիկը, ցավոք, մահացել է հիվանդանոց տեղափոխելու ճանապարհին», – ասվում է հաղորդագրությունում։
Միևնույն ժամանակ, ռուսական անօդաչու սարքերի բեկորների ընկնելու հետևանքով Կիևում մեկ մարդ է վիրավորվել։ Այս մասին հայտնել է Կիևի քաղաքապետ Վիտալի Կլիչկոն։
Նրա խոսքով՝ հրդեհ է բռնկվել հանգստյան բազայի եռահարկ շենքում։
Ուկրաինայի օդային ուժերի տվյալներով՝ անցած գիշեր Ռուսաստանը Ուկրաինայի ուղղությամբ արձակել է 100 անօդաչու սարք։ Դրանցից 37-ը ոչնչացվել է Ուկրաինայի պաշտպանության ուժերի կողմից, իսկ 47-ը չեն հասել նպատակակետին և կորել են։
Օկուպացիոն ուժերի հարձակման հետևանքով վնասվել են Դնեպրոպետրովսկի, Կիևի, Խարկովի և Դոնեցկի շրջանները