Ռուսաստանի արտաքին գործերի նախարարության տվյալներով՝ Աբխազիա այցելելը ռուսների համար անվտանգ չէ։

ՌԴ ԱԳՆ-ի տարածած հայտարարության մեջ նշվում է, որ «փետրվարի 2-ին Աբխազիան այսպես կոչված Գերագույն դատարանի որոշմամբ պատիժը կրճատվել է և Աբխազիայի քաղաքացին, ով 2019 թվականին ռուս զբոսաշրջիկ կնոջ նկատմամբ ամենածանր հանցագործությունն է կատարել, լքել է բանտը։

«Ակնհայտ է, որ դա ռիսկեր կստեղծի օտարերկրյա հյուրերի անվտանգության համար, ովքեր ամեն տարի գալիս են Աբխազիայի հանգստավայրեր։ Մենք ստիպված ենք այս մասին զգուշացնել մեր հայրենակիցներին»,- ասված է ՌԴ ԱԳՆ հայտարարության մեջ։

Տեղեկության համար՝ խոսքը 2019 թվականին օկուպացված Աբխազիայում բնակվող անձի կողմից ռուս զբոսաշրջիկի բռնաբարության ու կողոպուտի մասին է։ 2021 թվականին Աբխազիայում բնակվող Էդգար Աբուխան այս հանցագործության համար դատապարտվել է ինը տարվա ազատազրկման։ Այն ժամանակ օկուպացված Աբխազիայի դատարանը հայտարարեց, որ Աբուխան անչափահաս է, և որ 10 տարուց ավելի ազատազրկումը նրա համար անօրինական կլինի։